Maman!© – 03-31 – LA EDUCAZION STRADÂL

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: La educazion stradâl (31). Al è impuartant cognossi lis regulis de educazion stradâl par viazâ in sigurece e par evitâ incidents o situazions di pericul. Par dâ indicazions che ducj a puedin capî, a son stâts inventâts i cartei stradâi, che bisugne cognossi par no cjatâsi in situazions pericolosis par se e par chei altris: in cheste pontade, insiemi cun Daria e Chiara, o ‘nt cognossarìn cualchidun. Dopo, lis dôs amiis a leiaran une storie gjavade fûr dal libri “Jacum dai zeis” e par finî, cu la gnove rubriche “Bombons furlans”, o impararìn l’alfabet furlan.

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com