4. +Sklet/XtremeTV

Turisim alternatîf inte Lagune di Grau e di Maran

Regjie di Giorgio Cantoni
Une produzion di Informazione Friulana soc. coop.
Cul finanziament di ARLeF Agjenzie Regjonâl pe Lenghe Furlane
Dvx 20 minûts – 5 pontadis

La serie televisive +Sklet/XtremeTV e propon un viaç inmagant tra lis dissiplinis sportivis plui origjinâls che si pratichin in Friûl, e la discuvierte di contescj particolârs di ospitalitât turistiche, sedi di un pont di viste culturâl, che di ambient e di teritori.
Lis escursions inte varietât dai ambients naturâi che a caraterizin il teritori a puartin i spetatôrs a discuvierzi cinc ativitâts sportivis diferentis, e cun chês si va indentri a plen tal ambient naturâl dulintor e si esplorin lûcs che se no a saressin cuasi inacessibii.
Tra lis particolaritâts dai sports protagoniscj de serie, la “spetacolaritât” e il plen rispiet pal teritori a son i elements che a vegnin fûr des intervistis fatis ai sportîfs e de sperimentazion direte des dissiplinis di bande dai stes presentadôrs dal program.
La trasmission e je caraterizade di un lengaç televisîf svelt e moderni e e je condusude in lenghe furlane.

Turisim alternatîf inte Lagune di Grau e di Maran
Incuintri cun Andrea Barchiesi dal Agriturisim di mâr “Ai Fiuri de Tapo”
La Lagune di Grau e la Lagune di Maran a rapresentin lûcs di incjant là che cîl, tiere e aghe a son intune. L’agriturisim di mâr “Ai Fiuri de Tapo”, che si cjate tal mieç des dôs lagunis, al è un esempli di realtât là che la calme e reste, e lis tensions si sfantin. Puest che al ufrìs ce che il mâr e la lagune a dan, e che daûr des sôs carateristichis al permet di vivi la nature, di capîle e di preseâle.
 
Diretôr di produzion: Paolo Cantarutti
Coordenadore de edizion: Federica Vincenti
A presentin: Francesca Battistutta e Cristian Pressacco

Ta cheste pontade:
Andrea Barchiesi (www.agriturismogrado.it)
 
Trasmetude da RAI 3 Regjonâl intal 2015 e intal 2016.