Giovanni Marinelli – Il documentari

Il documentari su Giovanni Marinelli al è stât realizât dai zovins dal liceu inte suaze di un progjet pe produzion di materiâl origjinâl in lenghe furlane sul Liceu sientific statâl “Giovanni Marinelli” di Udin, cul finanziament de ARLeF – Agjenzie Regjonâl pe Lenghe Furlane.

Il progjet – inserît intes ativitâts di alternance scuele lavôr – si à disvilupât su plui laboratoris cun argoments diferents tant che lis tecnichis cinematografichis, su la produzion video, su la elaborazion di senegjaturis, e laboratoris dedicâts ae comunicazion in lenghe furlane.

Il risultât al è un documentari su Giovanni Marinelli, personalitât cetant impuartante a Udin che al à contribuît al disvilup de gjeografie in Friûl e in Italie. I students che a àn partecipât si son svicinâts ae storie dal Friûl dal XIX secul in graciis dal studi che a àn puartât indenant par cognossi cheste figure che i à dât il non al lôr Liceu.

Video realizât cul finanziament de ARLeF – Agjenzie Regjonâl pe Lenghe Furlane
Bant trienâl pes ativitâts finalizadis a promovi la lenghe furlane intal setôr de ricercje sientifiche 2016 – 2018. Realizazion di iniziativis didatichis in lenghe furlane intes scuelis secondaris di secont grât

Ideazion e coordenament dal progjet: prof.re Viviana Rojatti e regjist Massimo Garlatti – Costa
Realizazion: Raja Film
Cun: Giacomo Centemero (classe 2D), Alessandro Feruglio (classe 2C), Irene Dolce, Emma Lavarone (classe 4N), Luca Cisilino, Davide Morretta e Davide Mialani (classe 5N)
Cu la colaborazion di: Silvia Bianco, Loris Milocco, Giuseppe Muscio, Umberto Sello, Stefano Stefanel