No sta a contâmi dome chê storie

Il video musicâl al è stât fat, dopo di un concors di ideis bandît de ARLeF, dal regjist monfalconês Massimo Racozzi su lis notis de cjançon “No sta a contâmi dome chê storie”, scrite e interpretade di Dj Tubet pe promozion de Fieste de Patrie dal Friûl 2016.
Il videoclip fat di Massimo Racozzi doprant la tecniche dal dissen animât fat a man, al à vût la colaborazion di Fabio Babich pe ilustrazion e la colaborazion di Stefania Carlotta Del Bianco e Maurizio Mattiuzza pe senegjature.
La idee dal progjet e je chê di contâ la storie dal Friûl ai zovins in maniere inmagante e lontane de retoriche. Il test de cjançon e lis imagjins a àn tant che curnîs la storie di un soldât in trincee dilunc de prime vuere mondiâl che, inte spiete dal gnûf ordin di atac, al ripasse lis tapis plui impuartantis de storie dal Friûl fasint cussì une piçule riflession su la vuere, la pâs e lis propriis lidrîs.

Regjie e montaç: Massimo Racozzi
Storyboard: Maurizio Mattiuzza, Stefania Carlotta Del Bianco e Massimo Racozzi
Ilustrazions e animazions: Massimo Racozzi e Fabio Babich
Musiche: Dj Tubet
Seconde vôs: Camilla “Milly” Grassi
Durade: 3:29

Realizât cu la poie de Agjenzie Regjonâl pe Lenghe Furlane in ocasion de Fieste de Patrie 2016.
Resposabil dal progjet: William Cisilino cu la colaborazion di Priscilla De Agostini.