Nûfcent, videosclesis dal Friûl

Regjie di Dorino Minigutti
R.A.M: Ricerche Audiovisive e Multimediali/ Entract multimedia
DV 5 min. (10 episodis)
2004

Vuere – La Grande Vuere e je finide, e à paiât un sacrifici di vitimis , di dolôr, di puaretât cence misure. Il Friûl e je la regjon de Italie che e à vût di chel event catastrofic i dams plui grancj. A un veteran zovin, un cineoperadôr di prin svol, al è stât dât l’incaric di meti dongje une documentazion filmiche de vuere in maniere che la tragjedie no somei tragjedie e che la vuere a somei mancul piês di ce che e je. Un tentatîf primitîf di fals cinematografic realizât cun ironie e cun ribelion sot tasude.
“Nûfcent” al è un progjet realizât in dôs parts cun vincj documentaris curts di 5 minûts realizâts cun sclesis de storie dal Nûfcent in Friûl. Une storie sociâl contade doprant dome filmâts storics dai archivis regjonâi e des colezions privadis. Ce che al ven metût in lûs al è cemût che il Friûl, dentri di une societât che e mude cence polse, al sedi dut cjapât a ridefinî e a riscuvierzi la sô identitât e lis sôs lidrîs. In ogni cjapitul si metin in lûs i moments che a àn determinât cambiaments a nivel economic, sociâl e culturâl, in maniere no dome storiche ma traviers de leture di diaris personâi che si riferissin ai events frontâts, duncje intun mût plui intim. Vie pal 2004 a son stadis metudis adun lis primis 10 pontadis a cjapin dentri une ete che e va dal 1900 al 1950; tal 2007 a son stâts realizâts altris 10 curts che a fevelin dai agns 50 fin al dì di vuê.

Tescj: Paolo Patui
Montaç: Carlo Della Vedova
Musiche: Alessandro Montello
Fonic: Vittorio Vella
Vôs: Andrea Collavino, Claudia Grimaz, Fabiano Fantini, Massimo Somaglino
Grafiche: Paola Zoratti
Ricercjis filmografichis: Mauro Tonini
Consulence cinematografiche: Livio Jacob
Consulence fotografiche: Paolo Sacco
Materiâi cinematografics di archivi: Cineteca del Friuli
Altris archivis e colezions: Servizio di Cineteca Regionale, Triest; Cinémathèque Suisse (Lausanne); Oestereichisches Filmarchiv, Viene; National Film and Television Archive, Londre; National Archives, Washington; Istituto Luce, Rome; Ripley’s Film, Rome; Lobster Films, Parîs; Francescano, Udin; Archivio Candido Grassi “Verdi” di Libero Grassi, Udin; Antonio Seguini De Santi, Udin; Cinemazero, Pordenon; Cineteca Comunale di Bologna
Materiâi fotografics: Guarnerio s.c.a.r.l,  Udin; Fototeca dei Musei Civici, Udin
Segretarie di produzion: Sabrina Delneri
Coproduzion: RAI, Sede regjonâl pal F.V.J; La Cineteca del Friuli; in colaborazion cun Regjon Autonome Friûl-Vignesie Julie.
Distribuzion internazionâl: Cineteca del Friuli;

Premio ‘Mario Quargnolo’ Mostre Cine Furlan ’07/I° Premio ‘Renato Appi’ ’06/Menzione Videoland ’05
Festival Internacional del Cine de Uruguay ’08/Trieste Film Festival ’05

Distribuzion
Agherose
Tel. 0432 1841718
www.agherose.it