Sghiribiç – Sfueut didatic par imparâ a lei e a scrivi

“Sghiribiç” al è stât realizât de catidre di Didatiche des lenghis modernis de Universitât dal Friûl, di une idee de professore Schiavi, cu la colaborazion di Alessandra Burelli e di Giancarlo Velliscig, cu la consulence sientifiche dal professôr Nereo Perini, e cui dissens di Renato Calligaro. Finanziât de Comission des Comunitâts Europeanis, al è stât publicât di KappaVu Edizioni in 6 numars.
Al è un gjornalin studiât par insegnâ a lei e a scrivi par furlan ai fruts de scuele de infanzie e primarie. Lis ativitâts di leture e di scriture a vegnin presentadis in clâf contrastive, focalizantsi su cualchi segn distintîf che al diferenzie il furlan dal talian. Lis schedis pai insegnants si concentrin sui ponts plui critics dal sisteme fonologjic de lenghe furlane e di chê taliane, metudis a confront.
Il videotutorial al ilustre modei di ûs concret di chestis schedis là che, par esempli, al ven presentât il sisteme vocalic furlan e chel talian fasint vignî fûr lis diferencis sot forme di zûc.

Produzion e realizazion Videotutorial: ARLeF – Agjenzie Regjonâl pe Lenghe Furlane
Supuart organizatîf: CALT
Consulence: Prof.re Silvana Schiavi Fachin
Coordenament: Elena Zanussi, CALT
Ripresis, editing video e post produzion: Intech srl
Vôs e presentazion: Prof.re Silvana Schiavi Fachin
DUrade: 10.30 min.
Lengh: Furlan
Sottitui: Talian

An: 2017

Distribuzion:
© ARLeF – Agjenzie Regjonâl pe Lenghe Furlane

Contats:
pueste eletroniche: arlef@regione.fvg.it
www.arlef.it