Dât fûr in 20.000 copiis ai arlêfs di 180 scuelis primariis
“Il Libri di Maman!” al è il gnûf prodot editoriâl realizât de Agjenzie Regjonâl pe Lenghe Furlane che, in graciis de colaborazion sinergjiche cul Ufici Scolastic Regjonâl dal Friûl-Vignesie Julie, al è cumò a disposizion di ducj i students des scuelis primariis dal teritori furlanofon che a àn sielzût la opzion dal furlan a scuele. Al è stât presentât intune conference stampe martars ai 13 di Otubar, là che a àn partecipât l’Assessôr aes Autonomiis Locâls, Pierpaolo Roberti, il President de ARLeF, Eros Cisilino e la referente pe lenghe furlane dal Ufici Scolastic Regjonâl, Paola Cencini.
Il gnûf materiâl ludic didatic – cun zûcs, contis, proverbis, curiositâts, ricetis, lavoruts, tescj di leterature e conseis di leture – al podarà jessi doprât dai insegnants intes ativitâts didatichis e in chês di grup, par compagnâ i fruts te discuvierte di peraulis gnovis e di gnûfs sunôrs, clamantju a doprâ la lenghe furlane in maniere ative.
Dât fûr in 20.000 copiis ai students di 180 istitûts scolastics des ex provinciis di Udin, Pordenon e Gurize, Il Libri di Maman! si compon di doi volums diferents par fasse di etât: il prin al è stât pensât pai arlêfs des classis 1 e e 2 e, il secont pes classis 3 e, 4 e e 5 e.
I contignûts a son stâts curâts di Daria Miani, condutore de trasmission tv, cul supuart dal Sportel Regjonâl pe Lenghe Furlane de ARLeF. La sielte didatiche dai materiâi di ogni volum e je stade curade des insegnantis Enza Purino e Laura Urtamonti, e lis ilustrazions dai protagoniscj a son di Serena Debegnach e di Alessia Battistutta.
Consulte i materiâi
| Ogjet | Cjale |
| "Il libri di Maman!" volum 1 |
|
| "Il libri di Maman!" volum 2 |
|
